Անուշավան Տեր-Ղևոնդյան

Ծնվել է Թիֆլիսում: Սովորել է Թիֆլիսի գիմնազիայում և երաժշտական ուսումնարանում: 1915թ. ավարտել է Պետերբուրգի համալսարանի իրավաբանական ֆակուլտետը և Պետերբուրգի կոնսերվատորիան: 1917-25թթ. դասավանդել է Թիֆլիսի, 1926-34թթ. և 1938-58թթ.` Երևանի Կոմիտասի անվան, 1934-38թթ.` Բաքվի պետական կոնսերվատորիաներում (1934թ-ից՝ պրոֆեսոր): 1926-30թթ.` Երևանի կոնսերվատորիայի ռեկտոր, 1948-59թթ.` երաժշտության պատմության, տեսության և կոմպոզիցիայի ամբիոնի վարիչ: 1953թ. արժանացել է Հայաստանի ժողովրդական արտիստի կոչման: Մահացել է Երևանում: