Արամ Թալալյան

Ծնվել է Երևանում: Թավջութակահար Գերոնտի Թալալյանի որդին է: 1995թ. ավարտել է ԱՄՆ-ի Յեյլի համալսարանի մագիստրատուրան և ասպիրանտուրան որպես թավջութակահար և վերադարձել Հայաստան: 1997թ-ից դասավանդում է Երևանի Կոմիտասի անվ. պետ. կոնսերվատորիայում: 1998թ-ից ղեկավարում է հինավուրց և ժամանակակից երաժշտության նվագախումբը: Որպես դիրիժոր ղեկավարել է «Traveling Notes», «Melodies of Peace» միջազգային փառատոնների սիմֆոնիկ նվագախմբերը և Զապորոժիեյի ակադեմիական սիմֆոնիկ նվագախումբը: 2000-2009թթ. հանդիսացել է Կոմիտասի անվ. կվարտետի թավջութակահարը: Մի շարք միջազգային մրցույթների դափնեկիր է: 2009թ. արժանացել է Հայաստանի վաստակավոր արտիստի կոչման: