Արթուրո Գույումջյան

Ծնվել է Արգենտինայում: Արթուրո Գույումջյանի արվեստը քաջածանոթ է Հայաստանի և Լեռնային Ղարաբաղի երաժշտասերներին: Նա մի քանի անգամ համերգներով հանդես է եկել Հայաստանում և Ղարաբաղում՝ արժանանալով ջերմ ընդունելության: Տասնամյակներ առաջ տեսողությունը կորցրած երգիչը վերջին տարիներին տառապում էր երիկամների հիվանդությամբ: Արգենտինայի և Ուրուգվայի հայ համայնքների հանգանակած գումարներով Գույումջյանը Բոլիվիայում ենթարկվել էր բարդ վիրահատության: Վիրահատությունը հաջող էր անցել, բայց, ավաղ, 52-ամյա երգչի օրգանիզմը չի կարողացել հաղթահարել վիրահատության հետևանքները: