Էդուարդ Փաշինյան

Ծնվել է Թիֆլիսում։ Էդուարդ Փաշինյանը Հայրենական պատերազմի մասնակից է։ Պարգևատրվել է Հայրենական մեծ պատերազմի մի քանի շքանշաններով և մարտական մեդալներով։ 1951 թ-ին ավարտել է Երևանի Կոմիտասի անվան պետական կոնսերվատորիայի տեսաբան-կոմպոզիտորական ֆակուլտետը։ 1954 թ-ին ավարտել է Երևանի Մխիթար Հերացու անվան պետական բժշկական համալսարանը։ 1951-1961 թթ․ Ռոմանոս Մելիքյանի անվան երաժշտական ուսումնարանի դասախոս (տեսաբանության բաժնի վարիչ), 1961 թ-ից՝ Երևանի կոնսերվատորիայի դասախոս (1971 թ-ից՝ դոցենտ, այնուհետև՝ երաժշտության տեսության ամբիոնի պրոֆեսոր)։ Էդուարդ Փաշինյանը եղել է ԽՍՀՄ կոմպոզիտորների միության անդամ, ՀԽՍՀ արվեստի վաստակավոր գործիչ։ Նա երաժշտության համընդհանուր սուպերլադային համակարգի տեսության, հարմոնիայի և պոլիֆոնյայի դասագրքերի հեղինակն է։ Մահացել է Երևանում։