Էդվարդ Խաղագորտյան

Ծնվել է Թբիլիսիում: Էդվարդ Խաղագորտյանը սովորել է երաժշտական դպրոցի ջութակի դասարանում, Երևանի Կոմիտասի անվան պետական կոնսերվատորիայի կոմպոզիցիայի բաժնում (Գրիգոր Եղիզարյանի դասարան), որն ավարտելուց հետո 1955 թ-ին ընդունվել է Մոսկվայի կոնսերվատորիայի ասպիրանտուրա (ղեկավար` Արամ Խաչատրյան): 1964 թ-ից՝ ԽՍՀՄ կոմպոզիտորների միության անդամ է, իսկ 1970 թ-ից՝ խորհրդի անդամ: 1973 թ-ից՝ «Սովետական կոմպոզիտոր» հրատարակչության գլխավոր խմբագրի տեղակալ: Բազմաթիվ ֆիլմերի երաժշտության հեղինակ է: 1979 թ-ին Էդվարդ Խաղագորտյանը արժանացել է ՌՍՖՍՀ արվեստի վաստակավոր գործչի կոչման: Մահացել է Մոսկվայում: