Էլեոնորա Ոսկանյան

Ծնվել է Խարկովում: Է.Ոսկանյանին դաշնամուր նվագել սովորեցրել է իր մայրը: Ընդունվել է Խարկովի կոնսերվատորիայի շնորհալի երեխաների խմբակ, ապա ուսումը շարունակել Խարկովի կոնսերվատորիայում պրոֆեսոր Լյուդվիգ Ֆանենշտիլի դասարանում: 1941 թ-ին տեղափոխվել է Թբիլիսի: Ոսկանյանը այստեղ մեկ տարի աշխատել է դաշնակահար Շաումյանի անվան Հայկական դրամատիկական թատրոնում, այնուհետև տեղափոխվել է Հայաստան և շարունակել ուսումը Երևանի պետական կոնսերվատորիայում: Էլեոնորա Ոսկանյանը կամավոր (1942-1943) մեկնել է ճակատ: 1944 թ-ից նա շարունակել է իր ուսումը Երևանի Կոմիտասի անվան պետական կոնսերվատորիայի Գեորգի Սարաջևի դասարանում: 1945 թ., ավարտելով կոնսերվատորիան, մնացել այնտեղ որպես ասիստենտ դաշնամուրի բաժնում, այնուհետև՝ դասավանդել է: Եղել է Հայֆիլհարմոնիայի սիմֆոնիկ նվագախմբի մենակատար: Էլեոնորա Ոսկանյանը համերգներով ելույթ է ունեցել Հայաստանում, Խորհրդային Միությունում և արտերկրում: 1956 թ-ից, մոտ 18 տարի, նա նվագակցել է երգչուհի Գոհար Գասպարյանին: 1964-ին Էլեորորա Ոսկանյանը արժանացել է Հայաստանի վաստակավոր արտիստի կոչման: 1950 թ-ից նա դասավանդել է Չայկովսկու անվան երաժշտական դպրոցում, իսկ 1962 թ-ից` Երևանի կոնսերվատորիայի դաշնամուրի բաժնում (1982 թ-ից՝ պրոֆեսոր): Էլեոնորա Ոսկանյանը պարգևատրվել է բազմաթիվ պատվոգրերով և մեդալներով: Մահացել է Երևանում: