Էմին Արիստակեսյան

Ծնվել է Երևանում: 1961թ. Է.Արիստակեսյանը ավարտել է Երևանի Կոմիտասի անվան պետական կոնսերվատորիան` Գրիգոր Եղիազարյանի դասարանը, 1964թ.` ասպիրանտուրան: 1957-64թթ. դասավանդել է Երևանի Ա.Գաբրիելյանի անվան երաժշտական դպրոցում, 1957թ-ից՝ Երևանի Խ.Աբովյանի անվան պետական մանկավարժական ինստիտուտում: 1973-86թթ. եղել է Հայաստանի, 1974թ-ից` ԽՍՀՄ կոմպոզիտորների միության քարտուղարը: Հեղինակել է 5 սիմֆոնիա, 3 սիմֆոնիետա, այլ սիմֆոնիկ ստեղծագործություններ, պոեմներ, կանտատներ, կամերային և երգչախմբի համար ստեղծագործություններ, մանկական, կամերային երաժշտություն և այլ երկեր: 1977թ. Էմին Արիստակեսյանը արժանացել է Հայաստանի արվեստի վաստակավոր գործչի կոչման, 1986թ.` «Պատվո նշան» շքանշանի: Մահացել է Երևանում: