Գայանե Չեբոտարյան

Ծնվել է Դոնի Ռոստովում: 1943թ. ավարտել է Լենինգրադի կոնսերվատորիայի Քրիստափոր Քուշնարյանի ստեղծագործական և Մոիսեյ Խալֆինի դաշնամուրի դասարանները: 1947թ-ից դասավանդել է Երևանի Կոմիտասի անվան պետական կոնսերվատորիայում (1977թ-ից՝ պրոֆեսոր): Գրել է դաշնամուրի համար վարիացիաներ ժողովրդական թեմայով, սոնատ, պոեմ-կանտատ սիմֆոնիկ նվագախմբի և երգչախմբի համար, պրելյուդներ, դաշնամուրային տրիո, սիմֆոնիկ պատկեր, կոնցերտային էտյուդներ, դաշնամուրի կոնցերտ և այլն, կատարել է ժողովրդական երգերի մշակումներ: 1965թ. արժանացել է Հայաստանի արվեստի վաստակավոր գործչի կոչման: Մահացել է Մոսկվայում: