Գեորգ Ֆրիդրիխ Հենդել

Ծնվել է Հալլե քաղաքում (Գերմանիա)։ Գեորգ Հենդելը յոթ տարեկանից ակտիվորեն զբաղվել է երաժշտությամբ, ինը տարեկանից սկսել է ստեղծագործել։ Եղել է Հալլեի տաճարի երգեհոնահար: 1703 թ. մեկնել է Համբուրգ, որտեղ եղել է Համբուրգի օպերային թատրոնի ջութակահար և բեմադրել իր առաջին օպերաները: 1707-1709 թթ. սովորել է Իտալիայում, որտեղ ձեռք է բերել իտալական օպերայի վարպետի համբավ։ 1710 թ. Հենդելը մեկնում է Լոնդոն, որտեղ 1712 թ-ից մշտական բնակություն է հաստատում։ 1720- 1728 թթ. նա զբաղեցնում է Երաժշտության թագավորական ակադեմիայի տնօրենի պաշտոնը։ Իր կյանքի ընթացքում Հենդելը գրել է 42 օպերա, 29 օրատորիա, 120 կանտատ, տրիոներ և զուգերգեր, բազմաթիվ արիաներ, կամերային ստեղծագործություններ, կոնցերտներ և այլն։ 1753 թվականին նա գրեթե զրկվել է տեսողությունից։ Մահացել է Լոնդոնում: