Հասմիկ Հարությունյան

Ծնվել է Արմավիրի մարզի Մուսալեռ գյուղում: 1997-2007թթ. Հասմիկ Հարությունյանը սովորել է Փրանց Վերֆելի անվան միջնակարգ դպրոցում, 2002-2007թթ.՝ Էջմիածնի Կոմիտասի անվան թիվ 2-րդ երաժշտական դպրոցի վոկալ բաժնում: 2006-2007թթ. սովորել է Երևանի Կոմիտասի անվան պետական կոնսերվատորիայի վոկալ-տեսական ֆակուլտետի ակադեմիական մեներգեցողություն նախապատրաստական բաժնում, 2007-2011թթ.՝ Երևանի Կոմիտասի անվան պետական կոնսերվատորիայի վոկալ-տեսական ֆակուլտետի մեներգեցողություն բաժնում, 2011-2013թթ.՝ մագիստրատուրայում, 2013-2015թթ.՝ Երևանի Կոմիտասի անվան պետական կոնսերվատորիայի վոկալ-տեսական ֆակուլտետի բարձրագույն վարպետության դասընթացների կուրսերում: Ուսումնառության ընթացքում մասնակցել է բազմաթիվ մրցույթների և փառատոնների, արժանացել մրցանակների: 2017թ. Հասմիկ Հարությունյանը Գերմանիայում մասնակցել է «Բախ և Կոմիտաս» միջազգային մրցույթ փառատոնին և արժանացել դիպլոմի: Նույն թվականին Բեռլինի Լիխտեմբերգ շրջանի «Փրկչի» տաճարում Օպերա Վիվա վոկալ քառյակով ունեցել մենահամերգ: 2018 թ-ին նա արժանացել է «Կատարողական արվեստի համաշխարհային ասոցացիա»-ի կողմից «Տարվա լավագույն դասական երգչուհի» կոչմանը: 2009-2012թթ. աշխատել է Երևանի պետական կոնսերվատորիայի խմբավարական բաժնին կից երգչախմբում որպես մեներգչուհի, 2013-2015թթ.՝ Թ.Ալթունյանի անվան երգի-պարի պետական անսամբլում: 2017 թ-ից՝ Շենգավիթ վարչական շրջանի «Մանկապատանեկության զարգացման կենտրոն»-ում՝ որպես վոկալ խմբավար, 2015թ-ից՝ հանդիսանում է Օպերա Վիվա քառյակի մեներգչուհի: Օպերա Վիվա նախագծի շրջանակներում մասնակցություն է ունեցել բազմաթիվ պետական և ոչ պետական միջոցառումներին և համերգային ծրագրերին, ինչպես նաև հեռուստատեսային հաղորդաշարերին։ 2018 թ-ից մինչ օրս համագործակցում է Բուլղարիայում «ՀԲԸՄ» (AGBU) ընկերության Սոֆիա և Վառնա քաղաքների մասնաճյուղերի հետ և մենահամերգներով հանդես եկել տարբեր քաղաքներում: 2017թ-ից՝ «Արշակ Բուրջալյանի անվան երաժշտական դրամա»-ի թատերախմբի մեներգչուհի: Ներկայացումներով հանդես է եկել ինչպես Արցախում, այնպես էլ Հայաստանի մի շարք մարզերում: