Ծնվել է ՀՀ Լոռու մարզի Մարգահովիտ գյուղում։ 1961-1965 թթ. Ջուլիետ Մատինյանը սովորել է Երևանի գեղարվեստաթատերական ինստիտուտի (Ա. Հովսեփյանի արվեստանոց) դերասանական բաժնում: Նրան անվանում էին մեր ժամանակաշրջանի Սառա Բեռնար՝ տրագիկ, կոմիկ: Աշխատել է Վանաձորի Հովհ. Աբելյանի անվան պետական դրամատիկական և Աշտարակի պետական թատրոններում: Հիվանդության պատճառով հեռացել է թատրոնից և անցել ռեժիսորական գործունեության: Բեմադրել է Դերենիկ Դեմիրճյանի «Ջութակ և սրինգ» (ՀՀ հեռուստաթատրոն, 1975) և բազում հեռուստատեսային ներկայացումներ։ Աշխատելով Հանրային ռադիոյում, մեծ ու գնահատելի է Ջուլիետ Մատինյանի ավանդը հայկական ռադիոյի պատմության մեջ: Հեղինակ է բազմաթիվ հեղինակային հաղորդումների: Ջուլիետ Մատինյանը եղել է Հայաստանի Գրողների միության անդամ: Նա ունի տպագրված 4 գիրք և բազում անտիպ գործեր: Մահացել է Երևանում:

Լուսանկարներ