Կառլոս Եղիազարյան

Ծնվել է Երևանում։ Ավարտել է Երևանի Խ. Աբովյանի անվան մանկավարժական ինստիտուտի պատմության ֆակուլտետը և Մոսկվայի բարձրագույն կուսակցական դպրոցի միջազգային հարաբերություններ բաժինը։ Աշխատել է «Ոզնի» երգիծական հանդեսում։ Եղել է «Կրոկոդիլ» համամիութենական երգիծական ամսագրի հատուկ թղթակիցը Հայաստանում։ Աշխատել է հանրային ռադիոյում խմբագիր։ Եղել է «Հորիզոն» շաբաթաթերթի գլխավոր խմբագիրը։ Հեղինակ է հասարակական սուր հնչեղության բազմաթիվ հրապարակախոսական հոդվածների ու ֆելիետոնների։ Նրա գրական ստեղծագործությունները թարգմանվել են մի շարք օտար լեզուներով։ Կառլոս Եղիազարյանը արժանացել է մի շարք պարգևների: Հայաստանի Ժուռնալիստների և Գրողների միության անդամ է։