Միքայել Թարիվերդիև

Ծնվել է Թբիլիսիում: Սովորել է Թբիլիսիի կոնսերվատորիային կից երաժշտական տասնամյա դպրոցի դաշնամուրային դասարանում և Թբիլիսիի երաժշտական ուսումնարանի ստեղծագործական բաժնում՝ Շալվա Մշվելիձեի դասարանում: 1957թ. ավարտել է Մոսկվայի Գնեսինների անվան երաժշտական-մանկավարժական ինստիտուտի ստեղծագործական բաժինը՝ Արամ Խաչատրյանի ղեկավարությամբ: Հեղինակել է 132 ֆիլմերի երաժշտություններ, թատերական ներկայացումների և ռադիոբեմադրությունների համար: Ստեղծագործել է երաժշտության գրեթե բոլոր ժանրերով: 1993-96թթ եղել է «Նոր անուններ» բարեգործական հաղորդաշարի գեղարվեստական ղեկավարը: Հիմնադրել և ղեկավարել է Ռուսաստանի կինեմատոգրաֆիստների միության կոմպոզիտորական գիլդիան: Արժանացել է մի շարք պետական պարգևների, 1979թ.՝ Ռուսաստանի, 1986թ.` ԽՍՀՄ ժողովրդական արտիստի կոչմանը: Մահացել է Սոչիում, թաղված է Մոսկվայի հայկական պանթեոնում: