Նահապետ Քուչակ

Ծնվել է հավանաբար Արևմտյան Հայաստանի Վանի նահանգի Խառակոնիս գյուղում: Եղել է հայ առաջին աշուղ-երգիչներից: Նրա անունով պահպանվել և առայժմ հայտնի են շուրջ մեկ տասնյակ կրոնական, բարոյախրատական և սիրային բովանդակությամբ աշուղական երգեր՝ հայերենով ու թուրքերենով, որոնցից յոթը՝ հայատառ թուրքերենով: Մահացել է Խառակոնիս գյուղում, թաղված է տեղի Սբ. Թեոդորոս եկեղեցու գերեզմանատանը: