Նիկոլ Գալանտերյան

Ծնվել է Ակն քաղաքում (Արևմտյան Հայաստան): 1894-96թթ. հայկական ջարդերի ժամանակ կորցրել է ընտանիքը, միայն փրկվել է ինքը, մայրը և քույրը: 1900-03թթ. սովորել է Էջմիածնի Գևորգյան ճեմարանում՝ Կոմիտաս Վարդապետի մոտ: Ուսումնասիրել է նաև ջութակ, կիթառ, հայկական երաժշտություն: Երգեցողություն է դասավանդել Շումենի, Վառնայի, Թեհրանի հայկական դպրոցներում, 1910թ.՝ Թիֆլիսում: 1911թ-ից ապրել է Թեհրանում: 1925թ-ին կազմակերպել է «Գողթան» (1942-ից`«Գալանտերյան») երգչախումբը: Մահացել է Իրանի Սպահան քաղաքում: