Օլգա Վագենգեյմ

Ծնվել է Պետերբուրգում: Սովորել է Լենինգրադի կոնսերվատորիայի դաշնամուրային դասարանում: Կոնսերվատորիան ավարտելուց հետո 1929 թ-ին մեկնել է Երևան, հորաքրոջը այցելելու և երկար տարիներ բնակվել այնտեղ: 1929թ. հուլիսի 29-ին տեղի է ունեցել Երևանում Վագենգեյմի առաջին համերգը: Աշխատել է Երևանի կոնսերվատորիայում կոնցերտմայստեր ջութակի և երգեցողության դասարաններում: Համերգային ծրագրերի ծանրաբեռնվածության պատճառով թողել է կոնսերվատորիայի աշխատանքը և նվիրվել համերգային գործունեությանը: 1939 և 1956թթ. Մոսկվայում մասնակցել է հայ արվեստի և գրականության տասնօրյակին: 1960-1980թթ. համագործակցել է Ա.Սպենդիարյանի անվան օպերայի և բալետի մենակատար Էդուարդ Բաղդասարյանի հետ: 1970թ. դասավանդել է Ա. Բաբաջանյանի երաժշտական ուսումնարանում: 1953 թ-ին արժանացել է Հայաստանի վաստակավոր արտիստի կոչման: 1995թ. տեղափոխվել է Աստրախան` տղայի մոտ: Մահացել է Աստրախանում: