Օնիսիմ Բրոն

Ծնվել է Նովոմոսկովսկում։ Օնիսիմ Բրոնը սովորել է Կիևի կոնսերվատորիայում (դաշնամուր Վ. Վ. Պուխալսկու և կոմպոզիցիա Ռ. Գլիերի դասարաններում): Ավարտելուց հետո աշխատել է դիրիժոր տարբեր թատրոններում՝ 1937-1944թթ.՝ Լենինգրադի Կիրովի անվան օպերայի և բալետի թատրոն: 1944 թ-ին նշանակվել է Բելառուսի օպերայի և բալետի թատրոնի գեղարվեստական ղեկավար և գլխավոր դիրիժոր, սակայն չորս տարի անց տեղափոխվել է Մոսկվա, որտեղ ապրել և աշխատել է։ 1948-1952 թթ. Օնիսիմ Բրոնը ղեկավարել է Համամիութենական ռադիոյի օպերային անսամբլը, որի հետ կատարել է մի շարք օպերաների ռադիոձայնագրություններ։ 1952-1956 թթ. ղեկավարել է խորհրդային օպերայի ԱՀԿ անսամբլը։ Օնիսիմ Բրոնը նաև դասավանդել է Կիևի (1930-1932) և Մինսկի (1945-1948) կոնսերվատորիաներում, իսկ ավելի ուշ՝ Մոսկվայի թատերական ինստիտուտում դասավանդել է դիրիժորություն և դերասանի վարպետություն։ Մահացել է Մոսկվայում։