Թամար Դեմուրյան

Ծնվել է Ռուսաստանի Մոզդոկ քաղաքում: Եղել է կոմպոզիտոր, երգիչ Ստեփան Դեմուրյանի դուստրը: 1934թ. ավարտել է Երևանի Կոմիտասի անվան պետական կոնսերվատորիան, 1937թ.` Մոսկվայի հայկական թատերական ստուդիան: 1937-44թթ. եղել է Երևանի Գ.Սունդուկյանի անվան ազգային ակադեմիական թատրոնի դերասանուհի, 1944թ-ից` Հայֆիլհարմոնիայի մենակատար, ասմունքող: Լավագույն կատարումներով աչքի է ընկել հատկապես ասմունքի բնագավառում: Հեղինակել է մի շարք կոմպոզիցիաներ: Նկարահանվել է «Մսյե Ժակը և ուրիշները», «Լալվարի որսկանը» ֆիլմերում: 1965թ. արժանացել է Հայաստանի վաստակավոր արտիստի կոչման: Մահացել է Երևանում: