Վաչագան Վարդանյան

Ծնվել է Ախուրյանի շրջանի Հովտ գյուղում (ՀՀ, Շիրակի մարզ)։ Տասներկու տարեկանում գերազանցությամբ ավարտել է յոթնամյա դպրոցը, տասնհինգում՝ գերազանցությամբ Գյումրիի մանկավարժական տեխնիկումը և գործուղվել ուսուցչության, որտեղից էլ 1942-ին զորակոչվել և մինչև 1946թ. ծառայել է ֆիննական սահմանում։ 1947-ին ընդունվել և 1952թ. ավարտել է Երևանի պետական համալսարանի պատմաբանասիրական ֆակուլտետը։ 1952-1953 թթ. եղել է Ախուրյանի «Կոլտնտեսական» թերթի պատասխանատու քարտուղարը, 1954-1990 թթ. ավագ խմբագիր է աշխատել Հայաստանի պետական ռադիոկոմիտեում։ Հեղինակ է բազում ռադիոնյութերի և անտիպ գեղարվեստական գործերի: