Վիլեն Չարչօղլյան

Ծնվել է Երևանում: 1958թ. Վիլեն Չարչօղլյանն ավարտել է Երևանի Կոմիտասի անվան պետական կոնսերվատորիան: Աշխատել է Երևանի Ա.Սպենդիարյանի անվան օպերայի և բալետի ազգային ակադեմիական թատրոնում՝ որպես սիմֆոնիկ նվագախմբի կոնցերտմայստեր, 1982թ-ից՝ որպես դիրիժոր: Տարիներ շարունակ նա ղեկավարել է թատրոնի խաղացանկային ներկայացումները, մասնակցել է ռադիոյի և հեռուստատեսության ձայնագրություններին: Վիլեն Չարչօղլյանի գլխավորությամբ սիմֆոնիկ նվագախմբի մենակատարների խումբը մեծ հաջողությամբ հանդես է եկել ԱՄՆ-ում, Կանադայում, Սիրիայում, Լիբանանում և այլ երկրներում: Երկար տարիներ աշխատել է նաև Երևանի Հ.Պարոնյանի անվան երաժշտական կոմեդիայի պետական թատրոնում՝ որպես գլխավոր դիրիժոր: 1978թ. նա արժանացել է Հայաստանի արվեստի վաստակավոր գործչի կոչման: Մահացել է Երևանում: