Վլադիմիր Ֆեդոսեև

Ծնվել է Լենինգրադում: 1948-1952 թթ. Վլադիմիր Ֆեդոսեևը սովորել է Լենինգրադի Մ.Պ.Մուսորգսկու անվան երաժշտական ուսումնարանում (բայանի դասարան), ապա Մոսկվայի Գնեսինների անվան երաժշտամանկավարժական ինստիտուտում (բայանի և խմբավարի դասարաններ): Ավարտելուց հետո 1957 թ-ին ընդունվել է Կենտրոնական հեռուստատեսության և Համամիութենական ռադիոյի ռուսական ժողովրդական գործիքների նվագախումբ՝ որպես բայանիստ, 1959-1973 թթ.՝ նվագախմբի գեղարվեստական ղեկավար և գլխավոր դիրիժոր: 1971 թ-ից՝ Լենինգրադի ֆիլհարմոնիկ նվագախմբի դիրիժոր: 1971 թ-ին ավարտել է Մոսկվայի կոնսերվատորիայի ասպիրանտուրան` օպերային և սիմֆոնիկ դիրիժորության դասարան, 1974 թ-ից` Համամիութենական ռադիոյի և Կենտրոնական հեռուստատեսության Մեծ թատրոնի սիմֆոնիկ նվագախմբի գլխավոր դիրիժոր և գեղարվեստական ղեկավար: Վլադիմիր Ֆեդոսեևը համերգներով ելույթ է ունենում աշխարհի առաջատար սիմֆոնիկ նվագախմբերի հետ: 2004 թ-ից նա դասավանդում է Գնեսիններիի անվան ռուսական երաժշտական ակադեմիայի սիմֆոնիկ դիրիժորության ամբիոնում (պրոֆեսոր): Վլադիմիր Ֆեդոսեևը Պետական մրցանակների դափնեկիր է, պարգևատրվել է բազմաթիվ շքանշաններով: 1968 թ-ին նա արժանացել է ՌՍՖՍՀ վաստակավոր արտիստի կոչման, 1973 թ-ին՝ ՌՍՖՍՀ ժողովրդական արտիստի, 1980 թ-ից՝ ԽՍՀՄ ժողովրդական արտիստ: