Վլադիմիր Սպիվակով

Ծնվել է Ուֆա քաղաքում։ Պատերազմից հետո Սպիվակովի ընտանիքը տեղափոխվել է Լենինգրադ, այստեղ նա հաշվառվել է Լենինգրադի կոնսերվատորիային կից դպրոցում։ 1963 թ-ին ավարտել է Մոսկվայի կոնսերվատորիային կից կենտրոնական երաժշտական դպրոցը։ 1963-1968 թվականներին սովորել է Մոսկվայի կոնսերվատորիայի Յուրա Յանկելևիչի դասարանում։ 1970 թ-ին ավարտել է ասպիրանտուրան։ Դիրիժոր է 1965 թվականից։ 1970 թ-ից՝ Մոսկվայի ֆիլհարմոնիկ նվագախմբի դիրիժոր։ 1975-1990 թթ․՝ Գնեսինների անվան երաժշտական ինստիտուտում դասախոս (պրոֆեսոր)։ 1994-2005 թթ․՝ Ցյուրիխում անցել է մաստեր կլաս շրջան։ 1979 թվականին ղեկավարել է «Մոսկվայի վիրտուոզներ» նվագախումբը, որը մինչ այսօր ղեկավարում է։ 1999-2003թթ․՝ ղեկավարել է Ռուսաստանի ազգային նվագախումբը, ներկայումս ղեկավարում է Ռուսաստանի ազգային ֆիլհարմոնիկ նվագախումբը։ 1984 թվականին Լեոնարդ Բերնսթայնից նվեր է ստացել նրա դիրիժորական փայտիկը։ 1989 թ-ից Վլադիմիր Սպիվակովը հայտնի միջազգային մրցույթների հանձնաժողովի անդամ է և Իսպանիայում ջութակահարների մրցույթի նախագահն է։ 1989 թ-ից ապրում է Մոսկվայում, Իսպանիայում և Ֆրանսիայում։ Վլադիմիր Սպիվակովը բազմաթիվ մրցանակների դափնեկիր է, արժանացել է մի շարք շքանշանների, 1978թ․՝ ՌԽՍՖՀ վաստակավոր արտիստ, 1989 թ․ ՝ Հայաստանի ժողովրդական արտիստ, 1986թ․՝ ՌԽՍՖՀ ժողովրդական արտիստ, 1990թ․՝ ԽՍՀՄ ժողովրդական արտիստ։