Ախ, ինչու

Ծնվել է Փարիզում: 4 տարեկան հասակից Ռոզի Արմենը (Ռոզի Հովհաննիսյան) սկսել է երգել: Բեմ է դուրս եկել հանրաճանաչ երգիչների հետ: 1961թ. թողարկել է առաջին ձայնասկավառակը: Համերգներով շրջագայել է Բելգիա, Իրան, Թուրքիա, ԱՄՆ, Լիբանան, ԽՍՀՄ, 1965թ-ին ելույթ է ունեցել Մոսկվայում, որտեղ ծանոթացել է բազմաթիվ հանրահայտ հայերի հետ` Տիգրան Պետրոսյան, Հովհաննես Բաղրամյան, Առնո Բաբաջանյան և այլք: 1968թ. տեղափոխվել է Իսպանիա և հաստատվել այնտեղ 15 տարի: Երգել է տարբեր լեզուներով, ինչն էլ իր հերթին նպաստել է նրա հայտնի լինելուն տարբեր երկրներում: 1988թ. Սպիտակի երկրաշարժից հետո, մասնակցել է Շառլ Ազնավուրի նախաձեռնած «Քեզ համար, Հայաստան» երգի ձայնագրմանը: 1991թ. այցելել է Հայաստան: Զբաղվել է նաև հագուստի մոդելավորումով: 2014թ. արժանացել է Մոսկվայի «Արմենիա» երաժշտական մրցանակաբաշխության Հատուկ մրցանակի: 2013թ. պարգևատրվել է ՀՀ սփյուռքի նախարարության «Կոմիտաս» շքանշանով, 2015թ.` ՀՀ Պատվո շքանշանով: