Երգ հողի մասին

Ծնվել է Երևանում: 1978թ. Աննա Հեքեքյանը (Էլմիաննա Հեքեքյան) ավարտել է Երևանի գեղարվեստաթատերական ինստիտուտի ռեժիսորական ֆակուլտետը, 1980թ.` Մոսկվայի թատերական արվեստի պետական ինստիտուտի բեմական խոսքի ամբիոնի ասպիրանտուրան: 1980-81թթ. աշխատել է Հայաստանի ազգային ռադիոյում` որպես ռեժիսոր, 1990թ-ից աշխատում է ռադիոյի մշակութային հաղորդումների խմբագրությունում: 1983-88թթ. եղել է Երևանի գեղարվեստաթատերական ինստիտուտի բեմական խոսքի ամբիոնի լաբորանտ, որից հետո մինչ այսօր դասավանդում է նույն ամբիոնում (պրոֆեսոր): 1992թ-ից աշխատում է «Հայաստանի փոքրիկ երգիչներ» երգչախմբում, որի տնօրենն է: 1975-77թթ. դասավանդել է Երևանի Խորեոգրաֆիայի պետական, մինչ 1990թ.` Երևանի Ռ.Մելիքյանի անվան երաժշտական ուսումնարաններում, 1980-86թթ.` Երևանի Կոմիտասի անվան պետական կոնսերվատորիայում: 1975-77թթ. եղել է Երևանի Մյասնիկյանի շրջանի պատգամավոր, 1993թ.` «Աշտարակ-93» առաջին միջազգային հայկական փառատոնի կազմակերպիչը: 2003թ-ից դասավանդում է նաև ՀՀ ԳԱԱ գիտակրթական կենտրոնի մագիստրատուրայում: Թարգմանել և կրկնօրինակել է բազմաթիվ գեղարվեստական, դոկումենտալ և անիմացիոն ֆիլմեր, արտասահմանյան հեռուստասերիալներ, մյուզիքլներ: Հեղինակել է մի քանի մասնագիտական գրքեր: 2006թ-ից Բնական գիտությունների եվրոպական ակադեմիայի իսկական անդամ է, ակադեմիկոս: Արժանացել է մի շարք մրցանակների, պատվոգրերի, ՀՀ «Մովսես Խորենացի» մեդալի: