Ես քո սիրո կարիքն ունեմ

Ծնվել է Մալիշկա գյուղում (ՀՀ, Վայոց Ձոր մարզ): 9 տարեկանից Նարինե Դովլաթյանը տեղափոխվել է Երևան: Դպրոցական տարիներից մասնակցել է տարատեսակ մրցույթների և համերգների: 2000թ. ընդունվել է Հայաստանի Երգի պետական թատրոն: 2008-12թթ. սովորել է Երևանի Կոմիտասի անվան պետական կոնսերվատորիայի ջազ-վոկալ բաժնում: 2007թ. մասնակցել է «Շանթ» հեռուստաընկերության «Հայսուպերսթար» երաժշտական նախագծին: 2009թ-ից երգել է «Two 4 the road» փոփ, իսկ 2010թ-ից` «Upstairs» ջազ խմբում: Համերգներով հանդես է եկել Երևանի մի շարք երաժշտական ակումբներում` անհատ և տարբեր խմբերով: 2012թ. Հայաստանի ազգային երաժշտական մրցանակաբաշխության ժամանակ արժանացել է «Տարվա հայտնություն» մրցանակին: Նարինե Դովլաթյանը համերգներով հանդես է եկել Հայաստանում և մի շարք երկրներում: 2012թ. ներկայացրել է «Opposite things» երգը, որը դարձել է ռուսական «Что творят мужчины» ֆիլմի սաունդթրեքը, իսկ տարվա վերջում նկարահանվել է «Չիկագո-Ծաղկաձոր տրանզիտ» ֆիլմում՝ մարմնավորելով գլխավոր հերոսուհուն: 2013թ. և 2014թ. «Ռադիո Վան» ռադիոկայանի երաժշտական մրցանակաբաշխության ժամանակ ճանաչվել է «Տարվա լավագույն փոփ կատարող»: 2014թ. ներկայացրել է Սամ Սմիթի «Lalala» երգի «cover» տարբերակը, իսկ 2015թ.՝ Կոմիտասի «Ալ այլուղս» երգը նոր և ինքնատիպ գործիքավորմամբ: Նույն թվականին մասնակցել է Թբիլիսիում կայացած ջազ փառատոնին և ճանաչվել լավագույնը բոլոր երկրների մասնակիցների շարքում: 2016թ-ից նկարահանվել է «Աբելի քույրը» հեռուստասերիալում: