Հաղորդում նվիրված Արևշատ Ավագյանի ծննդյան 60-ամյակին

Ծնվել է ՀՀ Աշտարակ քաղաքում: 1957-62թթ. աշխատել է Աշտարակի Պիոներների տանը և «Աշտարակ» շրջանային թերթի խմբագրությունում։ 1966թ. ավարտել է Երևանի պետական համալսարանի բանասիրական ֆակուլտետը։ 1966-71թթ. աշխատել է «Ավանգարդ» թերթի խմբագրությունում` որպես բաժնի վարիչ, 1971-73թթ.` հայկական հեռուստատեսության ստուդիայում` որպես ավագ խմբագիր, 1973-75թթ.` «Գարուն» ամսագրի խմբագրությունում` որպես արձակի և պոեզիայի բաժնի վարիչ։ 1970 թ-ից Հայաստանի գրողների միության, ապա` Հայաստանի նկարիչների և ժուռնալիստների միությունների անդամ է: 1976-83թթ. եղել է «Գարուն» ամսագրի գլխավոր խմբագրի տեղակալը, 1984-86թթ.` ՀԳՄ Արարատյան գրական միավորման պատասխանատու քարտուղար, 1986թ-ից՝ Հայաստանի հեռուստատեսության և ռադիոյի պետական կոմիտեի գրական-գեղարվեստական հաղորդումների գլխավոր խմբագիր: Ցուցահանդեսներով ներկայացել է Մոսկվայում, Կիևում, Վիլնյուսում, Կաունասում, Լոս Անջելեսում, Հայաստանի բազմաթիվ քաղաքներում և այլուր: Հեղինակել է շուրջ 20 բանաստեղծական և արձակ ժողովածուներ: Գրել է նաև պատմվածքներ, թարգմանել է ֆրանսիացի, լեհ, ռուս, վրացի, ուկրաինացի և այլ ազգերի բանաստեղծների ստեղծագործություններ։ Նրա ստեղծագործությունները թարգմանվել և հրատարակվել են տարբեր լեզուներով: 1994թ-ից Հայաստանի Մշակույթի հայկական ֆոնդի նախագահն է: 1981թ. «Լույսի արմատներ» բանաստեղծական ժողովածուի համար արժանացել է ՀԳՄ Ավետիք Իսահակյանի անվան մրցանակի, 2010թ.՝ ՀՀ մշակույթի նախարարության ոսկե մեդալի, իսկ «Աստղալույսերի ձայնը» գրքի համար՝ «Տարվա լավագույն գիրք» մրցանակին: 2011թ. նրան շնորհվել է ՀՀ «Մովսես Խորենացի» մեդալ։