Երգի հեղինակներ
- Տարի
- 1968
- Տևողություն
- 35:38
- Գործիքավորող
- Արամ Սաթունց
Կենսագրություն
Բաբկեն Ներսիսյան
Ծնվել է Թիֆլիսում: 1933թ. Բաբկեն Ներսիսյանը սկսել է դերասանական գործունեությունը Թիֆլիսի Պատանի հանդիսատեսի հայկական թատրոնից, իսկ 1944-56թթ. որպես դերասան հանդես է եկել Թիֆլիսի Պ.Ադամյանի անվան հայկական դրամատիկական թատրոնում: 1956թ-ից, Վարդան Աճեմյանի հրավերով, տեղափոխվել է Երևան և շարունակել դերասանական գործունեությունը Գ.Սունդուկյանի անվան ազգային ակադեմիական թատրոնում: Հանդես է եկել կատակերգական, բնութագրական, դրամատիկական և ողբերգական դերերով: Խաղացել է բազմաթիվ ներկայացումներում: Աշոտ Քաջվորյանի հետ գրել է «Աղասի» դրաման (ըստ Խ.Աբովյանի «Վերք Հայաստանի» վեպի), որը 1947թ. բեմադրվել է Թբիլիսիի հայկական թատրոնում: Մասնակցել է ռադիոյի և հեռուստատեսության բեմադրություններին: Հանդես Է եկել նաև ասմունքով: Պարգևատրվել է մի շարք շքանշաններով, մեդալներով: 1961թ. Բաբկեն Ներսիսյանը արժանացել է Հայաստանի, 1972թ.` ԽՍՀՄ ժողովրդական արտիստի կոչման: ՀԽՍՀ կինեմատոգրաֆիստների միության անդամ է։ Մահացել է Երևանում: