Կոմիտասի հիշատակին

Ծնվել է Երևանում: 1965 թ-ին Կոնստանտին Բաղդասարյանը ավարտել է Ռոմանոս Մելիքյանի անվան երաժշտական ուսումնարանը (դասատու` Էդուարդ Բաղդասարյան), 1973 թ-ին` Երևանի Կոմիտասի անվան կոնսերվատորիան (Գրիգոր Եղիազարյանի դասարանը): 1976-1985 թթ. դասավանդել է Ռոմանոս Մելիքյանի անվան երաժշտական ուսումնարանում, 1976-1980 թթ.՝ Հայաստանի ռադիոյի և հեռուստատեսության էստրադային-սիմֆոնիկ նվագախմբի խմբավար, 1985-1990 թթ.՝ Հայաստանի կոմպոզիտորների միության երաժշտական կենտրոնի ղեկավար: 1976 թ-ից՝ Հայաստանի կոմպոզիտորների միության անդամ: Կ. Բաղդասարյանը հեղինակ է սիմֆոնիկ, երգչախմբային, կամերային, գործիքային և վոկալ գործերի, երաժշտություն է գրել նաև կինոյի և թատրոնի համար: 1995 թ-ից աշխատում է ԱՄՆ-ում: Նա Բոստոնի «Երևան» երգչախմբի և նվագախմբի գեղարվեստական ղեկավարն է: Համերգներով հանդես է եկել Խորհրդային միության քաղաքներում, Կանադայում, Իսպանիայում, Հունաստանում, Ֆրանսիայում, Ավստրիայում, Անգլիայում, Գերմանիայում, Չեխոսլովակիայում, Լեհաստանում և այլն: Կոնստանտին Բաղդասարյանը 2013թ.-ին պարգևատրվել է «Մովսես Խորենացի» մեդալով, 2014թ-ին՝ «Սուրբ Սահակ-Մեսրոպ» շքանշանով, 1996 թ-ին՝ Ռոդ Այլնդ Նահանգի «Տարվա Մարդ»: