Կոնցերտ քամանչայի և կամերային նվագախմբի համար

Ծնվել է Երևան քաղաքում: 1988 թ.֊ին Նունե Արզումանյանն ավարտել է Երևանի Կոմիտասի անվան պետական կոնսերվատորիայի դաշնամուրային բաժինը (պրոֆեսոր Մ. Մխիթարյանի դասարան), 1991 թ-ին՝ կոմպոզիցիայի բաժինը (պրոֆեսոր՝ Էդվարդ Միրզոյանի դասարան)։ 1991-1993 թթ. սովորել է ասպիրանտուրայի կոմպոզիցիայի բաժնում: 1990 թ.-ից աշխատում է Երևանի Կոմիտասի անվան պետական կոնսերվատորիայում՝ որպես կոնցերտմայստեր: 1990 թ-ից մինչ օրս՝ ՀՀ Հանրային ռադիոյի էստրադային-սիմֆոնիկ նվագախմբի դաշնակահար: 1999-2001թթ. աշխատել է Իտալիայում՝ որպես դաշնակահար: 2007 թ-ից Նունե Արզումանյանը դասավանդում է Երևանի Էստրադային և ջազային արվեստի պետական քոլեջում՝ դաշնամուրի և կոմպոզիցիայի բաժինների դասատու: Նա բազմաթիվ համերգներով հանդես է եկել Անգլիայում և Ֆրանսիայում: Մասնակցել է բացմաթիվ մրցույթների (1996թ.՝ «Մանկական երգ», 1997թ.՝ «Զինվորական երգ», 2005թ.՝ «Ես քո զարկն եմ հայրենիք») և փառատոնների, արժանացել է դափնեկրի կոչման։ 2001 թ֊ից համերգներով հանդես է եկել Թեհրան (Իրան) քաղաքում, մաեստրո՝ Լորիս Ճգնավորյանի հրավերով: 1996 թ֊ից Նունե Արզումանյանը ՀՀ Կոմպոզիտորների միության անդամ է: Նունե Արզումանյանը հեղինակ է մի շարք փոխադրումների (դաշնամուրի, կամերային, սիմֆոնիկ, էստրադային-սիմֆոնիկ նվագախմբերի և փողային փոքր կազմի համար):