Մեր հոգսերի ձմեռը

Ծնվել է Օրջոնիկիձե քաղաքում (այժմ՝ Վլադիկավկազ)։ Տարիներ անց ընտանիքով տեղափոխվել է Հայաստան ու ապրել Ալավերդիում։ Այստեղ նրա ծնողները՝ վաստակավոր դերասաններ Հովհաննես և Արաքս Մսրյանները հիմնել են թատրոն, որտեղ երբեմն փոքրիկ դերերով հանդես են եկել նաև դպրոցական Վլադիմիրը և քույրը՝ Ժասմենը։ 1958-1962 թթ․-ին Վլադիմիր Մսրյանը սովորել է Երևանի գեղարվեստա-թատերական ինստիտուտում։ 1963-1964 թթ․-ին աշխատել է Պատանի հանդիսատեսի թատրոնում, 1964-1966 թթ․-ին՝ Ստանիսլավսկու անվան ռուսական դրամատիկական թատրոնում, 1966 թ․-ից՝ Երևանի դրամատիկական թատրոնում։ Դերեր ունեցել է թատրոնում և նկարահանվել է կինոյում։ 1987 թ․-ին Վլադիմիր Մսրյանը արժանացել է Հայաստանի ժողովրդական արտիստի կոչման, ինչպես նաև Հայաստանի պետական մրցնակի, Մովսես Խորենացու մեդալի։ Մահացել է Երևանում, հուղարկավորությունը տեղի է ունեցել Երևանի քաղաքային պանթեոնում: