Նամակներ

Ծնվել է Եգիպտոսում, հայ երաժիշտների ընտանիքում։ Կահիրեի Գալուստյան ազգային վարժարանի և Նիկոսիայի Մելքոնյան Կրթական ինստիտուտի շրջանավարտ է։ Ուսանել և ավարտել է Երևանի գեղարվեստաթատերական ինստիտուտը։ Նա ճանաչվել է Լոս Անջելեսի Կալիֆոռնիայի «Դրամա-Լոկ»-ի երկակի մրցանակակիր՝ որպես լավագույն դերասան և լավագույն բեմադրիչ։ ՀՀ նախագահի կողմից արժանացել է Մովսես Խորենացու շքանշանի, Հայաստանի մշակույթի նախարարության ոսկե մեդալի, պարգևատրվել է հայ գրականության դասական Վահան Թեքեյանի մրցանակով։ Հարավային Կալիֆոռնիայի Կինոխորհրդի կողմից ստացել է Golden Star Halo (Ոսկե աստղ լուսապսակ) մրցանակը: Անգլերենից և ֆրանսերենից հայերեն է թարգմանել ավելի քան հիսուն գործեր, իսկ հայերենից անգլերեն է թարգմանել «Անուշ» օպերան, «Արշակ Երկրորդը», «Կարինեն», Վահան Թեքեյանի քսանից ավելի ոտանավորներ, որոնք հրատարակվել են Կալիֆոռնիայի պետական համալսարանի և Միչիգանի համալսարանի կողմից: Խաղացել է ավելի քան 150 ներկայացումներում, նկարահանվել է մոտ 30 ֆիլմերում։ Երկու անգամ դարձել է Լոս Անջելեսի Կալիֆորնիայի «Դրամա-Լոգ»-ի մրցանակակիր՝ որպես լավագույն դերասան։ 1980 - 1990 թթ. աշխատել է Հոլիվուդում: 1990 թ. հաստատվել է Ֆրանսիայում, որտեղ 1997 թ. հիմնել է «Տիգրան Չուխաջյան» հետազոտական կենտրոնը։ Փարիզի Իրինա Բրուքի թատերական ընկերության (CIB) հիմնադիր անդամ։ Այժմ նա աշխատում է Երևանի պետական թատրոնի և կինոյի ինստիտուտում: