Փիլիսոփայական խոհեր

Ծնվել է ՀՀ Լոռու մարզի Շնող գյուղում: 1941թ. Գևորգ Աբաջյանը ավարտել է Լենինականի (այժմ` Գյումրի) մանկավարժական ինստիտուտը: Մասնակցել է Երկրորդ համաշխարհային պատերազմին (1941-45թթ.): 1945թ-ից աշխատել է Լենինականի դրամատիկական թատրոնում (այժմ` Գյումրիի Վ.Աճեմյանի անվան դրամատիկական թատրոն)` որպես դերասան: 1957-76թթ. եղել է Հայաստանի հեռուստառադիոպետկոմի գեղարվեստական հաղորդումների գլխավոր խմբագիրը, 1979-89թթ.` սփյուռքահայության հետ մշակութային կապի կոմիտեի մամուլի բաժնի վարիչը: 1995-2000թթ. աշխատել է Հայոց ցեղասպանության թանգարան-ինստիտուտում: Հեղինակել է գրականագիտական և թատերագիտական բազմաթիվ հոդվածներ, սցենարներ, ակնարկներ, նովելներ, ժողովածուներ, մենագրություններ` նվիրված հայ բեմի վարպետներին: 1956թ. Գևորգ Աբաջյանը ստացել է բանասիրական գիտությունների թեկնածուի աստիճան: 1972թ. նա արժանացել է Հայաստանի արվեստի վաստակավոր գործչի կոչման: Մահացել է Երևանում: