Յակով Զարուբյանի ելույթը

Ծնվել է Արդվինում (Թուրքիա): Առաջին Համաշխարհային պատերազմի տարիներին Յակով Զարուբյանը ընտանիքի հետ տեղափոխվել է Ռուսաստան։ 1925-1941 թթ. Խարկովում աշխատել է գործարանում որպես բանվոր։ 1932 թ-ին ընդունվել է Կոմունիստական կուսակցության շարքերը և սկսել աշխատել «Խարկովի պրոլետար» թերթում: 1939 թ-ից՝ Խարկովի գործարանի կուսակցության կոմիտեի քարտուղար, 1940 թ-ի հոկտեմբերին նա ընտրվում է Ստալինյան շրջկոմի քարտուղար կադրերի գծով (Խարկովի ամենամեծ արդյունաբերական շրջան): 1949թ-ին ՀԿԿ(բ)-ի որոշմամբ Զարուբյանը տեղափոխվում է ՀԿԿ Կենտրոնական Կոմիտեի տրամադրության տակ: 1949-1950թթ.՝ ԿԿ ադմինիստրատիվ օրգանների բաժնի վարիչ, 1950 թ-ից՝ Երևանի քաղկոմի քարտուղար, 1952-1953թթ.՝ ՀԽՍՀ անվտանգության նախարարության կադրերի գծով փոխնախարար։ 1953-1960թթ. Զարուբյանը զբաղեցրել է տարբեր ղեկավարական պաշտոններ, իսկ 1960-1966 թթ՝ Հայաստանի կոմունիստական կուսակցության Կենտրոնական Կոմիտեի առաջին քարտուղար։ 1966թ-ի փետրվարին Յակով Զարուբյանը տեղափոխվում է Մոսկվա և նշանակվում ԽՍՀՄ էլեկտրատեխնիկական արդյունաբերության նախարարի տեղակալ մինչև 1980 թ.: Յ.Զարուբյանը պարգևատրվել է բազմաթիվ շքանշաններով և մեդալներով: Մահացել է Մոսկվայում: