1940-ականներ1940–1949

1940-ականների սակավաթիվ ձայնագրություններում գերակշռում են օպերային արիաներն ու ռոմանսները։ Դրանք կատարում են բարիտոն Պավել Լիսիցյանը, որը 1937–1940 թվականներին Երևանի օպերայի և բալետի թատրոնի մենակատար էր, ապա տեղափոխվեց Մոսկվայի Մեծ թատրոն, և մեցցո-սոպրանո Զարուհի Դոլուխանյանը, որը բեմական ուղին սկսել է Երևանում և 1944-ին տեղափոխվել Մոսկվա։ Պատերազմի տարիներին Երևանի ռադիոն սկսեց հեռարձակել ամեն օր, իսկ 1947-ին գործարկվեց երկրորդ՝ տեղեկատվական-երաժշտական ծրագիրը, և սկսվեցին հաղորդումները արտասահմանի հայության համար։